Tula ng Desperada—Sulat para sa kanyang mahal pt1

 

Handa kong gawin ang lahat para sa’yo.

Ikaw lang iniisip ko. Ikaw ang damdamin ko!

Gusto kong mayakap ka at sabihing mahal kita..

Pero anong magagawa’t wala ka na..

Gusto kita makita o mahawakan man lang,

Humingi ng tawad sa lahat nagawang kulang..

Handa akong gawin ang lahat ng ibig mo..

Gagawin ang lahat, masunod ka lang

Tawagin man ang martir o baliw ng iilan

Wala na akong pakialam

Mahal na mahal kita, bakit mo ako iniwan?

Ako’y nagdudurusa, umiiyak na naman..

Gusto kong kausapin mo ako ngunit ako’y iniiwasan

Hindi mo ba alam na ako’y nahihirapan?

Gusto kong malaman mo na handa akong maghintay

At para sayo, handa rin akong mamatay

At kung saktan ka niya, huwag kang maalala

Andito lang ako para damayan ka

At kung ako’y ayaw mo na, hindi na kita pipilitin pa

Dahil ang tanging hangad ko lang na ika’y lumigaya

Pero iyong tandaan, ako’y nandirito lang

Sa mga anak mo’y handa pa ako maging ninang!

Totoo lahat ng iyan at walang halong biro

Bakit ako manloloko sa taong mahal ko?

Kelan man ay hindi ako nagsinungaling sa’yo

At sa buong pagsasama natin ay hindi kita niloko

Hanggang ngayon ay hindi nagbago ang pagtingin ko sa’yo

Panghabang-panahon ang pagtinging ito

At hangang sa tumanda ako ikaw lang ang nasa puso ko,

Ang puso kong iyong-iyo..

Sana maintindihan mo na mahirap ang ika’y ikalimot

Ika’y mamahalin hanggang sa ako’y maging lumot..

At hanggang sa huling hininga ika’y aabangan

Na kumatok ka sa pintuan upang ako ay balikan

Mahal kita, iniibig ng aking sawing puso

Ang tulang ito ay alay sa’yo